YAADON KE IDIOT BOX SE..

Kuch Yaadein Hai Un Lamho Ki

Jin Lamho Mei Hum Saath Rehte The

Ek Umr Beeti Thi Yu

Khushiyon Se Bhare Wo Jazbaat Rahe

EK Waqt Guzaara Hai Humne

Jahan Rote Huye Bhi Haste The

Kya khoob Wo Manjar Hota Tha

Kuch Kehte The, Kuch Sunte The

Kitna Haste The Har Pal

Jab Bhi Hum Milte The

Hoti Thi Subah Bas Tera Naam Lekar

Kaati Thi Har Raat Wo Baaton Mei Doob Kar

Rehta Tha Har Din Bas Fir Milne Ka Intezaar

Badi Mushkil Se Jiya Wo Lamha Har Baar

Ye Baatein Hain Un Lamho Ki

Jab Saath Raha Hum Karte The

Kuch Kehte The, Kuch Sunte The

Har Pal Ek Sadiyaan Jeete The…..